Category: Uncategorized

«Պատմության վերակառուցում» նախագիծ.

նպատակ. Յուրացնել պատմական իրականությունն իր մանրամասներով:

խնդիրներ. 1. Ուսումնասիրել անցյալի ընտրվածբեկորը բոլոր հնարավոր տեսանկյուններից

2. Զարգացնել թիմային աշխատանք իրականացնելու կարողությունները

3. Իրացնել վերլուծելու և համադրելու կարողությունները

4. կատարելագործել թվային միջոցների օգտագործման գիտելիքները

ՀԱՆՐԱԿՐԹԱԿԱՆ ՀԻՄՆԱԿԱՆ ԾՐԱԳՐԻ ՇՐՋԱՆԱՎԱՐՏԻ ՈՒՍՈՒՄՆԱՌՈՒԹՅԱՆ ԱԿՆԿԱԼՎՈՂ ՎԵՐՋՆԱՐԴՅՈՒՆՔՆԵՐԸ

1. Ցուցաբերի իր գործունեությունը պլանավորելու և ժամանակն արդյունավետ տնօրինելու կարողություններ.
2. Բացատրի գիտելիքի կարևորությունը, սովորելիս դրսևորի կամք և վստահություն սեփական ուժերի նկատմամբ.
3. Դրսևորի հետազոտելու, փորձարկելու, տարբեր գործիքակազմեր համադրելու կարողություն, ուրիշների հետ համատեղ կամ ինքնուրույն մշակի և իրականացնի նախագծեր.
4. Գտնի և օգտագործի տեղեկույթ տարբեր աղբյուրներից, որոշի և բնութագրի աղբյուրի արժանահավատությունը և այն օգտագործելիս կատարի հղումներ.
5. Արդյունավետ կազմակերպի իր ուսումնական գործընթացը և ավարտի աշխատանքներն առանց անմիջական վերահսկողության, կիրառի ինքնակրթության որոշ մեթոդներ.
6. Ընկերակցի, դրսևորի բաց և դրական վերաբերմունք այլոց հանդեպ, համագործակցի և հաղորդակցվի տարբեր ձևաչափերով, ակտիվորեն լսի և հարգանքով վերաբերվի այլ մարդկանց տեսակետներին և գաղափարներին.

Նախագծային խումբ՝ Դավիթ Սարգսյան, Մարիա Վարդանյան, Ռուզան Ղուկասյան և Էվա Եփրեմյան  (Դասարան 9-5)

Ես շատ հավանեցի Համո Սահյանի «Ապրելու երկիր» բանաստեղծությունը։ Այն շատ ջերմ ու սիրով է խոսում Հայաստանի մասին։ Բանաստեղծն ասում է, որ այս հողը, չնայած դժվարություններին, ապրելու և սիրելու տեղ է։ Նրա տողերից զգում ենք, թե որքան խորն է կապվածությունը հայրենիքին։ Հավանեցի այս բանաստեղծությունը, որովհետև այն ուժեղ է, պարզ ու անկեղծ։ Սահյանն ինձ սովորեցրեց, որ պետք է սիրել մեր երկիրը այնպիսին, ինչպիսին որ կա։

2018 թվականին Հայաստանում տեղի ունեցավ թավշյա հեղափոխություն։ Ժողովուրդը դուրս եկավ փողոց՝ խաղաղ ցույցերով, և իշխանությունը փոխվեց։ Սա եղավ առանց կռվի ու արյուն թափելու, դրա համար էլ այն կոչեցին «թավշյա»։

Հեղափոխությունից հետո մարդկանց մեջ հույս առաջացավ։ Շատերը սկսեցին մտածել, որ հիմա կյանքը լավանալու է։ Սկսվեց կոռուպցիայի դեմ պայքար, մարդիկ սկսեցին ավելի ազատ արտահայտվել, խոսել խնդիրների մասին։ Սփյուռքում ապրող հայերն էլ նորից սկսեցին հետաքրքրվել հայրենիքով։

Բայց հեղափոխությունը բերեց նաև դժվարություններ։ Ոչ բոլոր խոստումները իրականություն դարձան։ Շատ խնդիրներ մնացին։ Իսկ 2020 թվականին եղավ պատերազմ, և մենք ծանր կորուստներ ունեցանք։ Սա ցավ պատճառեց թե՛ Հայաստանի, թե՛ Սփյուռքի հայերին։

Ի վերջո, թավիշը մեզ ցույց տվեց, որ փոփոխություն կարելի է անել, բայց դրա համար պետք է միասին աշխատել, միավորվել և ճիշտ քայլեր անել։ Մարդիկ չպետք է սպասեն, որ միայն իշխանությունը ամեն ինչ կփոխի։ Բոլորիս մասնակցությամբ միայն հնարավոր է կառուցել ուժեղ պետություն։

1.Կազմեք ՀԽՍՀ պատմության երևույթների, իրադարձությունների, փաստերի կարևորագույն տասնյակը

1920 թ. դեկտեմբերի 2 Հայաստանի Խորհրդայնացումը: Իրադարձություն

1922 թ. դեկտեմբերի 30 Հայաստանը պաշտոնապես ընդգրկվեց ԽՍՀՄ կազմում: Փաստ

1936 թ. ՀԽՍՀ-ն դարձավ ԽՍՀՄ-ի առանձին միութենական հանրապետություն: Իրադարձություն

1941 1945 թթ. Երկրորդ համաշխարհային պատերազմի ընթացքում ավելի քան 300000 հայեր կռվեցին ԽՍՀՄ բանակում: Իրադարձություն

1965 թ. Ծիծեռնակաբերդի հուշահամալիրի կառուցման որոշման ընդունումը: Իրադարցություն

1978 թ. Հայերենը հաստատվեց որպես պետական լեզու ՀԽՍՀ-ում: Փաստ

1988 թ. Սպիտակի երկրաշարժը որը խլեց ավելի քան 25000 կյանք: Իրադարձություն

1991 թ. սեպտեմբերի 21 Հայաստանի անկախության հանրաքվեի անցկացումը որտեղ 99% կողմ քվեարկեց:

2.Հերքեք կամ հաստատեք այն տեսակետը, որ ԽՍՀՄ փլուզումն անխուսափելի էր: ԽՍՀՄ փլուզումը անխուսափելի էր, քանի որ համակարգը տնտեսական, քաղաքական և ազգային խորքային խնդիրներ ուներ։ Պլանային տնտեսությունը անկում էր ապրում, հանրապետությունները ձգտում էին անկախության, իսկ պերեստրոյկան միայն արագացրեց գործընթացը։ Սառը պատերազմի ավարտն ու Արևմուտքի գերակայությունը ևս նպաստեցին անկմանը, իսկ 1991-ին կենտրոնական իշխանությունն արդեն անկարող էր վերահսկել իրավիճակը։

3.Գրեք էսսե «Հայաստանն անկախության ճանապարհին» թեմայով:

Հայաստանը անկախություն ստանալու ճանապարհին անցավ երկար և դժվար ուղի: 1988 թվականին սկսվեց Ղարաբաղի շարժումը, երբ մարդիկ սկսեցին բարձրացնել իրենց իրավունքների և ազատության մասին հարցեր։ Դա ճանապարհը բացեց նաև ամբողջ Հայաստանի համար՝ անկախություն պահանջելու։ 1990-ականներին արդեն ավելի շատ մարդիկ ու քաղաքական ուժեր սկսեցին ձգտել ազատության և սեփական պետություն ունենալու։ 1991-ի օգոստոսին, երբ ԽՍՀՄ-ը սկսեց փլուզվել, Հայաստանի Գերագույն խորհուրդը ընդունեց անկախության հռչակագիրը։ Սեպտեմբերի 21-ին արդեն անցկացվեց հանրաքվե, որտեղ ժողովուրդը միաձայն որոշեց անկախությունը։ Դա մի մեծ քայլ էր դեպի ազատություն և ինքնուրույն կյանք։

Վահան Տերյանը, չնայած իր կարճատև կյանքին, մեծ ազդեցություն է ունեցել հայ պոեզիայի վրա: Նրա սիրային, հայրենասիրական և լիրիկական բանաստեղծությունները մինչ օրս չեն կորցրել իրենց թարմությունը և հուզական ուժը:

Տերյանը հեղափոխեց հայ տաղաչափությունը՝ հաղթահարելով լեզվական սահմանափակումները և ներմուծելով նոր չափեր, ինչպիսիք են քորեյը, դակտիլը և ամֆիբրաքոսը: Նա նաև առաջինն էր, ով հայկական պոեզիայում կիրառեց եվրոպական ու ռուսական ձևեր, ներառյալ սոնետը, տրիոլետը և ռոնդոն:

Բացի այդ, Տերյանի գրական հայերենն այնքան կատարյալ էր, որ մինչ օրս համարվում է օրինակելի: Այդ պատճառով լեզվաբան Ռաֆայել Իշխանյանը պարտադրում էր իր ուսանողներին արտասանել Տերյանի բանաստեղծությունները՝ նրանց անթերի հայերենին տիրապետելու համար։

ՀՀ աշխարագրական դիրքը

Հայաստանի Հանրապետությունն ունի կարևոր աշխարհագրական դիրք՝ գտնվում է Ասիայի և Եվրոպայի միջև։

Այն սահմանակից է Վրաստանին, Թուրքիային, Իրանին և Ադրբեջանին։ Հայաստանի աշխարհագրական դիրքը նպաստում է միջազգային տնտեսական կապերի զարգացմանը։ Այս դիրքը նաև կարևոր նշանակություն ունի տարածաշրջանային անվտանգությունն ապահովելու համար։

ՀՀ կլիման

Հայաստանի կլիման ձևավորվում է լեռնային ռելիեֆի ազդեցությամբ և բազմազան է։

Տիրապետում է չոր մայրցամաքային կլիման՝ շոգ ամառներով ու ցուրտ ձմեռներով։ Բարձրության փոփոխության հետևանքով տարբերում են 8 կլիմայական գոտի՝ մերձարևադարձայինից մինչև ծայրահեղ բարձր լեռնային։ Ջերմաստիճանը տատանվում է -46°C-ից +42°C, իսկ տեղումները՝ 250-900 մմ։