Հայ ժողովուրդը միշտ ցանկացել է ապրել անկախ և ազատ հայրենիքում։ Խորհրդային տարիներին Հայաստանը չուներ լիարժեք անկախություն։ Թեև երկրում կային դպրոցներ, գործարաններ ու մշակույթ, բայց իրականում ամեն ինչ որոշում էր Մոսկվան։
1988 թվականին սկսվեց Ղարաբաղյան շարժումը։ Մարդիկ դուրս եկան փողոց՝ պահանջելով միավորել Արցախը Հայաստանին։ Այդ պահից սկսվեց պայքարը՝ ոչ միայն Արցախի, այլ ամբողջ Հայաստանի անկախության համար։ Ժողովուրդը սկսեց բարձրաձայնել իր իրավունքների մասին։
Շատ խնդիրներ կային։ Սպիտակի երկրաշարժը ավերեց մեծ քաղաքներ։ ԽՍՀՄ ղեկավարությունը շատ դանդաղ օգնեց։ Այդ պահից մարդիկ էլ ավելի համոզվեցին, որ Հայաստանի համար ամենալավ ճանապարհը՝ անկախ դառնալն է։
1991 թվականի սեպտեմբերի 21-ին անցկացվեց հանրաքվե։ Հայ ժողովուրդը ընտրեց անկախությունը։ Այդ օրից սկսվեց նոր՝ ազատ ու դժվար ճանապարհ։
Այսօր մենք ապրում ենք անկախ Հայաստանում, բայց այդ անկախությունը հեշտ չի եկել։ Պետք է գնահատենք այն և աշխատենք մեր երկիրը ավելի լավը դարձնելու համար։
Սարգսյան Դավիթ բլոգ 